เพลงน้ำแม่ปิง
  
ปิงเอยปิงล่อง สองฝั่ง ล้านนา
เลี้ยงดง เลี้ยงดอย เลี้ยงเมือง
ฮืม
น้ำปิงไหลแล้ว บ่แผ้วเมืองหื่น
ตะวาวันซืน บ่คืนฮอดซ้ำ บะเก่าเดิมที
มีเฮือถ่อก๊ำ ขึ้นล่องจ้ำแพพาย
ไผจะไปซื้อไผจะไปขาย
สดวกสบาย บ่หายแห้งค่อน
เป็นสายเย็นใส จุ๋มใจหายฮ้อน
ปั๋นน้ำป้อน อิ่มนา ใส่เบ็ดละไว้
ก็ได้ปู๋ป๋า บ่เสียเวลา พาราบ่กั้น
น้ำแม่ปิงยาว บ่ใช่สั้นสั้น ไหลบ่อั้นตลอดแนว

ปิงเอยปิงเน่า เช้าเย็นเหม็นคาว
ทิ้งเท ทับถม แม่เมือง
ฮืม
มาบะเดี๋ยวนี้ หัวใจข้าเหลว น้ำปิงขอดแค้ว
เน่าแล้วแห็มซ้ำ บ่าวสาวไปไหน จะไดบ่ก๊ำ
ละปิงดำ ซกป๊ก มีไผบ่ฮู้ เป๋นหมู่เป๋นก๊ก
แป๋งหม้อนะฮก ปกบ้านปกเวียง
เป็นจะใดบ่ว๊าก บ่มีปาก มีเสียง
เงียบหายเสี้ยง วอยวาย อู้ไปก่แล้ว
เหมือนแฮ้วบ่มีสาย เขาจะจังเอาบ่ดาย
กั๋วตายฟาดกิ้ง ฟังก่อนปี้น้อง จะไปฟั่งมิ๊ง
ช่วยก๊ำแม่ปิง ก่อนเน่อเจ้านายเอย
ปิงเอยปิงล่อง หมองดำ น้ำตา
ล้มลง แล้วกา แม่ปิง
ฮืม...[start]../song/3/3922.MID[stop]